ویب ڈیسک:چیٹ جی پی ٹی نے کچھ صارفین کیلئے کام کرنا بند کر دیا ہے۔
غیر ملکی میڈیا کے مطابق اوپن اے آئی کا یہ سسٹم صارفین کی جانب سے پوچھے جانیوالے سوالات کے جواب میں ’سمتھنگ وینٹ رانگ‘ کی وارننگ جاری کر رہا ہے، پلیٹ فارم صارفین کو پیج ریفریش کرنے کا مشورہ دیتا ہے لیکن کوئی فرق نہیں پڑتا۔
واضح رہے کہ پلیٹ فارم کے ساتھ یہ مسئلہ اوپن اے آئی کے چیف ایگزیکٹیو کے انتباہ کے بعد پیش آیا ہے۔
انہوں نے تنبیہ کی تھی کہ اس کے نئے تصویر بنانے والے ٹولز میں دلچسپی کی وجہ سے موجودہ پروڈکٹس اور نئے ریلیز ہونے والوں کیلئے مسائل کا سامنا ہو سکتا ہے۔
اوپن اے آئی کے چیف ایگزیکٹیو منگل کے روز ایکس پرایک پوسٹ میں لکھا کہ ہم چیزوں کو قابو میں لے رہے ہیں لیکن آپ کو اوپن اے آئی کی جانب سے نئی ریلیز میں تاخیر، پروڈکٹس کے خراب ہونے اور کبھی کبھی سروس سست ہوجانے کی توقع کرنی چاہئے کیونکہ کمپنی چیلنجز سے نمٹتی ہے۔
